Украінскія фанаты паедуць на матч БАТЭ - "Шахцёр" пад канвоем
15- 20.10.2014, 17:17
- 20,218
На матч БАТЭ - "Шахцёр" украінскія заўзятары прыедуць у суправаджэнні міліцыі.
Органамі ўнутраных спраў Беларусі прынятыя меры што да «ўзмацнення аховы» грамадскага парадку падчас футбольнага матчу паміж камандамі БАТЭ (Барысаў) і "Шахцёр" (Данецк), які адбудзецца 21 кастрычніка на стадыёне «Барысаў-Арэна», паведамляе БелТА.
«Футбольныя фанаты, якія не выконваюць усталяваныя абмежаванні, будуць выдварацца за межы тэрыторыі фізкультурна-спартовага будынка і спецыяльна абсталяваных месцаў для заўзятараў без кампенсацыі кошту ўваходнага білета, і прыцягвацца да адказнасці ў выпадках, устаноўленых заканадаўчымі актамі», - заяўляюць у міліцыі.
Нагадаем, пасля матчу Беларусь - Украіна 9 кастрычніка былі затрыманыя дзясяткі ўкраінскіх і беларускіх заўзятараў за выкананне хіта пра прэзідэнта РФ. У выніку многіх фанатаў прысудзілі да штрафаў і арыштаў, аднак пасля ўмяшання прэзідэнта Украіны Пятра Парашэнкі яны былі вызваленыя.