Расея забараніла экспарт гародніны і садавіны з Украіны
11- 21.10.2014, 15:30
- 7,872
Рассельгаснагляд прыняў пастанову з 22 кастрычніка ўвесці забарону на пастаўкі, у тым ліку транзіт, расліннай прадукцыі з Украіны.
Пастанова была прынятая ў выніку гутаркі намесніка кіраўніка Рассельгаснагляду Аляксея Саурына з начальнікам упраўлення каранціну раслін Дзяржветфітаслужбы Украіны Андрэем Челамбітькам, піша "Коммерсант".
Саурын нагадаў, што Рассельгаснагляд звярнуўся да Дзяржветфітаслужбы Украіны з просьбай да 21 кастрычніка даць інфармацыю аб аб'ёмах вырашчанай у гэтым годзе ва Украіне прадукцыі і плошчах, занятых пад асобныя культуры ў кожнай яе вобласці, а таксама даць іншыя пераканаўчыя гарантыі ўкраінскага паходжання расліннай прадукцыі, якая пастаўляецца Украінай у Расею, аднак да сённяшняга дня Масква не атрымала адказу на свае запыты ад Кіева.
"Прымаючы пад увагу ўвесь комплекс пагроз і рызык, звязаных з сітуацыяй, якая склалася, Аляксей Саурын прыняў пастанову ўвесці з заўтрашняга дня часовыя абмежаванні на пастаўкі з Украіны ці транзітам праз яе тэрыторыю ўсіх відаў падкаранціннай расліннай прадукцыі", - гаворыцца ў афіцыйным паведамленні ведамства.
Адзначаецца, што рэзкае павелічэнне аб'ёмаў паставак расліннай прадукцыі з Украіны, а таксама адсутнасць або наўмыснае выдаленне маркіроўкі з яе ўпакоўкі сведчыць аб яе не ўкраінскім паходжанні, і можа тлумачыцца пастаўкай раслінных грузаў з Еўрапейскага звязу.
Таксама ў Рассельгаснаглядзе звяртаюць увагу на тое, што "ў расліннай прадукцыі, якая паступае з Украіны, выяўляюцца каранцінныя для Расеі аб'екты, прынамсі, яблыневая пладажэрка і каліфарнійскі трыпс".