З Расеі ў Данецк перакінуты спецназ ГРУ і дэсантнікі
13- 22.10.2014, 9:05
- 19,858
Баевікі і войскі РФ рыхтуюцца да новага наступу.
Пра гэта піша на сваёй старонцы ў сацыяльнай сетцы «Фэйсбук» кіраўнік украінскага Цэнтра вайскова-палітычных даследаванняў Дзмітрый Тымчук.
З ягоных слоў, пасля актыўных баявых сутычак ў раёне аэрапорта ў Данецку батальёны тэрарыстаў «Апора» і «Усход» панеслі сур'ёзныя страты, пасля чаго часова прыпынілі ўдзел у актыўных баявых дзеяннях. Цяпер гэтыя бандфармаванні праходзяць укамплектаванне і папаўняюцца баявой тэхнікай за кошт рэсурсаў, што прыбываюць з РФ.
«У Данецку зноў адзначана з'яўленне падраздзяленняў рэгулярнага войска РФ (раней расейскія падраздзяленні былі выведзеныя з горада). У прыватнасці, у гэты населены пункт прыбытку падраздзялення спецназа ГРУ ГШ ВС РФ з Омска (Расея) і 331-га парашутна-дэсантнага палка (Кастрама). Таксама расейскія вайскоўцы нясуць службу на адным з блок-пастоў у раёне Спартака», - піша ён.
Праз памежны пункт пропуску «Успенка» цягам апошніх дзён з тэрыторыі Данбаса на тэрыторыю Расеі неаднаразова выязджалі аўтамабільныя цягачы, на якіх былі ўсталяваныя макеты бронетэхнікі. Дзмітрый Тымчук не выключае правядзенне расейска-тэрарыстычнымі войскамі аперацыі па ўвядзенні ў зман Кіева і міжнародных арганізацый на прадмет вываду расейскіх войскаў з тэрыторыі Данбаса.
«Кіраўніцтва «ДНР» заяўляе аб падрыхтоўцы «шырокамаштабнага наступу» ўкраінскіх войскаў пасля правядзення ва Украіне парламенцкіх выбараў. Пад гэтай падставай многім арганізацыям і ўстановам прапанавана правесці «мабілізацыйныя мерапрыемствы». У рэальнасці гэтыя мерапрыемствы складаюцца ў масавай канфіскацыі тэхнікі і маёмасці «для патрэб абароны». Паралельна ў Данецку праводзіцца «чарговы этап» прымусовай «мабілізацыі» насельніцтва ў шэрагі «ДНР», - адзначае ён.