Карл Більт: Пуцін ніколі не даруе свабодалюбівым украінцам рэвалюцый
5- 22.10.2014, 10:37
- 6,806
Толькі моцная і дэмакратычная Украіна зможа спыніць экспансію Расеі.
У гэтым упэўнены былы міністр замежных спраў Швецыі Карл Більт.
Пра гэта ён заявіў у артыкуле для Project Syndicate, піша gordonua.com.
Дыпламат мяркуе, што прэзідэнт РФ Уладзімір Пуцін ніколі не даруе свабодалюбівым украінцам рэвалюцый 2004 і 2013 гадоў. Каб «зберагчы» сваю краіну ад падобных падзей, ён зробіць усё магчымае, каб стварыць негатыўныя наступствы для імкненняў украінцаў да дэмакратыі і незалежнасці. Для яго Крым і Данбас не так важныя, ён пойдзе далей, падкрэслівае Більт.
«У рэшце, толькі сіла і рашучасць Украіны могуць заблакаваць рэвізіянісцкія амбіцыі Расеі», - піша выданне. Нядзельныя парламенцкія выбары, як адзначыў палітык, павінны адзначыць стварэнне новай улады, рашуча наладжанай і гатовай да радыкальных рэформаў. Тады Украіна атрымае абсалютную міжнародную падтрымку, а Расеі прыйдзецца мяняць сваю сістэму знутры, каб утрымацца на плыву.
Нагадаем, пазачарговыя выбары ў Вярхоўную Раду Украіны адбудуцца 26 кастрычніка. Грамадзянская сетка «Апора» зафіксавала 321 факт парушэнняў выбарчага заканадаўства на пазачарговых выбарах Вярхоўнай Рады. Міністэрства ўнутраных спраў Украіны адкрыла 178 крымінальных спраў, звязаных з парушэннямі на пазачарговых выбарах народных дэпутатаў.