Генасамблея ААН абмяркуе парушэнне правоў чалавека ў Беларусі
1- 22.10.2014, 14:54
- 3,740
28 кастрычніка даклад аб стане правоў чалавека ў краіне прадставіць адмысловы дакладчык што да Беларусі Міклаш Харашці.
У рамках 69-й сесіі Генасамблеі ААН у горадзе Нью-Ёрку 23 кастрычніка гэтага года будзе гучаць даклад Мішэля Форста, спецыяльнага дакладчыка ў пытанні, якое датычыцца становішча праваабаронцаў, паведамляе сайт ПЦ «Вясна».
«Беларускія праваабаронцы на працягу многіх гадоў працуюць над рэформамі ў краіне, сутыкаючыся з сістэмнымі і сістэматычнымі парушэннямі іх асноўных правоў на свабоду выказвання меркаванняў, асацыяцыі і мірных сходаў. У іх няма магчымасці даваць ацэнку дзяржаўнай палітыцы незалежна ад самой дзяржавы, а таксама магчымасці абароны правоў ахвяр парушэнняў правоў чалавека», - адзначаюць арганізатары мерапрыемства.
24 кастрычніка спецыяльнае мерапрыемства праваабаронцаў Украіны і Беларусі з удзелам спецдакладчыка ААН Міклаша Харашці адбудзецца ў Калумбійскім універсітэце Нью-Ёрка.