Кэры: Хутка Расея зразумее, наколькі сур'ёзна свет гатовы абараняць Украіну

Дзяржаўны сакратар ЗША Джон Кэры спадзяецца, што Расея зразумее, наколькі сур'ёзна свет гатовы абараняць суверэнітэт Украіны.

Пра гэта ён сказаў, выступаючы пасля сустрэчы з міністрам замежных спраў Нямеччыны Франкам-Вальтэрам Штайнмаерам у Берліне.

Кэры таксама заявіў, што свабода знаходзіцца пад пагрозай у многіх частках свету, прынамсі, у Еўропе, паведамляе УНІАН.

У паведамленні адзначаецца, што ЗША і Еўразвяз увялі санкцыі супраць Расеі праз анэксію Крыму і падтрымку Масквой прарасейскіх баевікоў на ўсходзе Украіны.

Кэры, візіт якога ў Нямеччыну праходзіць напярэдадні 25-годдзя падзення Берлінскай сцяны (адзначаецца ў лістападзе), сёння таксама сустрэнецца з канцлеркай Ангелай Мэркель.