The New York Times: Пуцін дзівіць сваёй нікчэмнасцю

Чым прэзідэнт Расеі Уладзімір Пуцін адрозніваецца ад Папы Рымскага Францыска?

Адказ на такое неадназначнае пытанне шукаў вядомы амерыканскі журналіст, трохразовы лаўрэат Пулітцэраўскай прэміі Томас Фрыдман, піша gordonua.com.

У артыкуле для The New York Times эксперт параўноўвае, як два уплывовых сусветных лідэра выкарыстоўваюць сваю ўладу. «Адзін увасабляе ў сабе ўсё, чаго вам хацелася б ад лідэра, другі - усё, чаго б вам не хацелася. Адзін пануе над 1,2 млрд каталікоў, другі - над дзевяццю часавымі паясамі. Адзін ўвесь час дзівіць нас сваёй здольнасцю суперажываць, іншы - тым, у якой меры ён зрабіўся першакласнай нікчэмнасцю і разбойнікам», - адзначае Фрыдман.

Журналіст уважае велізарным крокам наперад для свету заклік папы да лаяльнасці ў дачыненні да гомасэксуалістаў і разведзеных, нягледзячы на ўсю «не прыязнь і нягнуткасць» біскупаў. Дарэчы пра непрыязнасць, піша Фрыдман, «пуцінскі КДБшнік не толькі спрабуе адкусіць лусту ад Украіны, але і пакусвае Эстонію, Грузію і Малдову, і ўсё пад выглядам абароны рускамоўных».

Асцярогі Расеі з нагоды «кальца NATO вакол краіны» аўтар артыкула назваў «хлуснёй», адзначыўшы, што Украіну ў NATO ніхто прымаць не збіраецца, а ЕP «ужо сапраўды не збіраецца нападаць на РФ». Крым Масква анексавала, на думку Фрыдмана, у пазбяганне заражэння вірусам «празрыстасці і падсправаздачнасці», які можа прыжыцца ва Украіне і «разбурыць пуцінскую клептакратыю».

Фота: Getty Images