«Голас Украіны» апублікаваў прозвішчы дэпутатаў-сабатажнікаў
8- 23.10.2014, 11:23
- 9,385
Газета Вярхоўнай Рады «Голас Украіны» апублікавала спіс народных дэпутатаў, якія не галасавалі 20 кастрычніка за стратэгічныя законы.
Спісы былі апублікаваныя ў сённяшнім выпуску выдання, паведамляе УНИАН.
«У сувязі з грамадскай значнасцю стратэгічна важных для краіны праектаў законаў, якія разглядаліся на пазачарговым пасяджэнні Вярхоўнай Рады 20 кастрычніцка, а таксама неабходнасцю інфармавання грамадства адносна асабістай яўкі на галасаванне народных дэпутатаў публікуем вынікі рэгістрацыі народных дэпутатаў», - гаворыцца ў артыкуле.
Паводле спісу, за ўключэнне ў парадак дня законапраекта аб унясенні змяненняў у закон «Аб выбарах народных дэпутатаў Украіны» што да забеспячэння галасавання ўдзельнікаў антытэрарыстычнай аперацыі на выбарах народных дэпутатаў 26 кастрычніка не галасавалі 19 народных дэпутатаў, у прыватнасці: Варапаеў Ю. М., Гелер Е. Б., Грушэўскі В. А., Дземішкан В. Ф., Калюжны В. А., Кажамякін А. А., Мельнік С. А., Мірымскі Л. Ю., Амельчанка В. П., Палякоў В. Л. , Святаш Д. В., Сміцюх Г. Я., Табачнік Я. П., Цігіпка С. Л., Чубаценка А. М., Шаблатовіч В. М., Шароў І. Ф., Шатворан В. Г., Шыпку А. Ф. 216 дэпутатаў адсутнічалі ў сесійнай зале.
За ўключэнне ў парадак дня законапраекта аб унясенні змяненняў у закон «Аб тэлевізіі і радыёвяшчанні» датычна абароны інтарэсаў дзяржавы ў прадухіленні карупцыі не галасавалі 44 дэпутата, а 236 - адсутнічалі.
На апошняй сесіі Вярхоўнай Рады Аляксандр Турчынаў паабяцаў апублікаваць прозвішчы народных дэпутатаў, якія сабатуюць пасяджэнні Рады.