ЗША дамаўляюцца з краінамі Азіі пра санкцыі супраць РФ

Вашынгтон прапануе азіяцкім краінам далучыцца да санкцый Захаду.

Пра гэта першы намеснік памочніка дзяржсакратара ЗША ў справах Еўропы і Еўразіі Пол Джонс, які цяпер знаходзіцца ў Токіо, паведаміў у інтэрв'ю японскай дзелавой газеце Nikkei, перадае ТАСС.

З ягоных слоў, ЗША збіраюцца ўздзейнічаць на краіны Азіі, каб заахвоціць іх далучыцца да мер эканамічнага ціску на Расею ў сувязі з падзеямі ва Украіне. «Цяпер важней за ўсё з'яднаць міжнародную супольнасць вакол пазіцыі групы сямі» ў пытанні аб санкцыях, мяркуе Пол Джонс. Ён даў зразумець, што праводзіць гэтую працу напярэдадні маючых адбыцца важных шматбаковых мерапрыемстваў, уключаючы саміт Азіяцка-Ціхаакіянскага эканамічнага супрацоўніцтва (АТЭС) у Пекіне і саміт «дваццаткі» ў аўстралійскім Брысбене.

Паводле ягонай ацэнцы, санкцыі ў дачыненні да РФ ужо ўздзейнічаюць. «З Расеі адбываецца ўцечка капіталу ў суме блізу $100 млрд», - сцвярджае Пол Джонс.

Крытэрыем для змякчэння санкцый, зазначыў дыпламат, павінна быць захаванне ўмоваў спынення агню паміж кіеўскімі ўладамі і баевікамі. «Японія цалкам падзяляе з намі мэты санкцый. Кітай таксама не задаволены дзеяннямі Расеі», - сцвярджае дыпламат.

Нагадаем, раней памочнік дзяржаўнага сакратара ЗША Вікторыя Нуланд заявіла, што Расея павінна вывесці ўсе свае войскі з Украіны і адпусціць усіх закладнікаў, у адваротным выпадку санкцыі змякчэлыя не будуць.

Таксама нагадаем, што рэжым спынення агню ў Данбасе быў абвешчаны 5 верасня, аднак баі з таго часу не спыняюцца.