Рэцэптурныя лекі прадаюць згодна з новымі правіламі
85- 25.10.2014, 9:35
- 62,023
Усе рэцэпты зараз павінны заставацца ў аптэцы.
- Купіла ў аптэцы лекі, якія прымаю пастаянна - звычайныя таблеткі ад ціску. А рэцэпт пасля куплі ў мяне нечакана забралі, - патэлефанавала ў рэдакцыю «Камсамольскай праўды ў Беларусі» Юлія. - Лекі не наркатычныя, не псіхатропныя. Я іх па гэтым рэцэпце паўгода купляла. І я, і тыя, хто быў у аптэцы, пачалі абурацца. Маўляў, цяпер тым жа гіпертонікам прыйдзецца лішні раз турбаваць лекараў, якім і без таго не прадыхнуць! Работнік аптэкі рукамі разводзіць: нічога не можам зрабіць - новая пастанова, усе рэцэпты мы абавязаныя забіраць.
- Рэцэпты застаюцца ў аптэцы, у нас пазаўчора пастанова Міністэрства аховы здароўя выйшла, - паведаміў выданню правізар адной з аптэк Менска.
Існаванне дакумента пацвердзіў і дзяжурны на гарачай лініі Міністэрства аховы здароўя:
- Так, сапраўды, рэцэпты павінны заставацца ў аптэках згодна з пастановай №66 Міністэрства аховы здароўя. З гэтай нагоды сёння вельмі шмат званкоў. Усе вашыя пажаданні фіксуюцца.
Лекараў такая перспектыва, вядома, не радуе.
- Гэта дадасць працы, бо некаторым пацыентам прызначаецца не адзін - два прэпараты, а пяць - шэсць, - кажа Вольга Сідарава, участковы тэрапеўт раённай паліклінікі. - Некаторым хворым прыйдзецца часцей звяртацца да лекараў.
Як зараз купляць лекі?
Ці можа ў рэцэпце быць больш за адны лекі?
Пастанова №66 Міністэрства аховы здароўя ад 9 верасня 2014 унесла змяненні і дапаўненні дакумент аб належнай аптэчнай практыцы, які дзейнічаў да гэтага часу. Адно з іх - на кожныя лекі выпісваецца адзін рэцэпт.
Што рабіць хронікам, калі лячэнне доўжыцца больш за паўгода?
- Тым, хто стала прымае прызначаныя лекі, можна выпісваць рэцэпты для іх набыцця не на месяц, а на два, або выпісваць некалькі рэцэптаў на адно лякарства. Будзем старацца ісці насустрач пацыентам, - кажа лекар Вольга Сідарава.