У старасці алкаголь карысны
20- 25.10.2014, 10:39
- 25,450
Навукоўцы выявілі, што невялікія дозы алкаголю дабратворна ўплываюць на дзейнасць мозгу пажылых людзей.
Спецыялісты Тэхаскага універсітэта правялі даследаванне, у якім прынялі ўдзел больш за 650 чалавек. Яны запоўнілі анкеты, у якіх паказвалі свой узрост і колькасць ужытага алкаголю.
Пасля гэтага яны здалі аналізы, а таксама прайшлі нейрапсіхалагічныя тэсты і МРТ. Вынікі паказалі, што ў тых пажылых людзей, якія ўжываюць невялікія дозы алкаголю, павялічаны гіпакамп, які адказвае за эпізадычную памяць, паведамляе Runews24.
У рамках даследавання на жывёлах было выяўлена, што ўжыванне алкаголю паляпшае функцыянаванне гэтай часткі мозгу дзякуючы з'яўленню новых клетак.