Яцанюк: «Цана гэтых выбараў занадта высокая, каб заставацца дома»

Напярэдадні выбараў у Вярхоўную Раду прэм'ер-міністр Украіны Арсеній Яцанюк звярнуўся да народа Украіны.

"26 кастрычніка мы выбіраем новы Парламент - першы пасля Рэвалюцыі Годнасці. Першы, які абавязаны гарантаваць Украіне нязменнасць курсу ў аб'яднаную Еўропу, у прастору чалавечага гонару і справядлівасці. Парламент, які будзе служыць народу. Мы выбіраем Парламент, дэпутаты якога абавязаны памятаць: калі яны падвядуць надзеі выбаршчыкаў, калі яны толькі паспрабуюць красці і хлусіць, - народ змяце іх гэтак жа, як папярэдні рэжым", - гаворыцца ў звароце кіраўніка ўрада, які апублікаваны на сайце Кабміна.

Яцанюк падкрэслівае, што з моманту апошніх парламенцкіх выбараў прайшло не два гады - прайшла цэлая эпоха. Украінскі народ стаў іншым: значна больш сталым, арганізаваным, мудрым. Ён больш не верыць пустым абяцанням. Ён глядзіць на справы.

"Мы павінны атрымаць і атрымаем сапраўднае волевыяўленне народа, чаго ён хоча на самай справе - паўкаланіяльнай галечы або незалежнасці сваёй краіны і яе росквіту, капітуляцыі перад імперыяй ці сваю ўкраінскую дзяржаву. Права абіраць свабодна і свядома мы заваявалі цаной вялікіх ахвяр. Таму нават ва ўмовах , калі супраць Украіны праводзіцца ваенная агрэсія, калі на дэстабілізацыю краіны кінутыя вялізныя грошы і велізарныя рэсурсы, мы адназначна правядзем сумленныя выбары, як і правялі прэзідэнцкія.

Урад зрабіў і робіць усё неабходнае для таго, каб кожны грамадзянін, які прыйшоў на выбарчы ўчастак, адчуваў сябе ў бяспецы. Мы забяспечым волевыяўленне ўкраінцаў. Пакаранне за фальсіфікацыі і скупку галасоў з'яўляецца няўхільным і жорсткім. Гэтак жа і для тых, хто будзе прадаваць свой голас.

Час для Украіны - на вагу золата. Пасля выбараў ні адзінага дня нельга марудзіць з фарміраваннем Урада. Новы Урад павінен прадоўжыць барацьбу за краіну і яе будучыню. Неабходна прыняць закон аб дзяржаўным бюджэце, прайсці зіму, забяспечыць цяпло і святло, жыццядзейнасць і развіццё краіны", - прадоўжыў ён.

"Дарагія суайчыннікі! Голас кожнага з вас з'яўляецца занадта важкім. Трэба абавязкова прыйсці на выбары. Цана гэтых выбараў з'яўляецца занадта высокай, каб заставацца дома. Прыйдзіце і прагаласуйце за сваю краіну, за нашу краіну. Слава Украіне!", - падсумаваў Яцанюк.