Алесь Бяляцкі: Беларусь не з'яўляецца нейтральнай краінай
3- 30.10.2014, 21:17
- 6,739
Апошнія кантакты Менска з Масквой у ваеннай сферы прадэманстравалі, чый саюзнік Лукашэнка.
"Прычынай увядзення абмежаванняў у дачыненні да афіцыйнага Менска сталі парушэнні заканадаўства падчас выбарчых кампаній і рэпрэсіі супраць грамадзянскай супольнасці", - нагадвае лідар праваабарончай арганізацыі "Вясна" Алесь Бяляцкі.
Так ён пракаментаваў "Беларускаму партызану" падаўжэнне Радай ЕЗ на год санкцый у дачыненні да беларускіх улад.
"З тых часоў у краіне нічога фактычна не змянілася. Раз ніякіх змен у лепшы бок не адбылося, няма ніякіх падстаў скасоўваць і абмежаванні", - кажа праваабаронца.
На пытанне, чаму ў Бруселі не ацанілі міратворчыя намаганні Лукашэнкі ва уўрэгуляванні ўкраінскага крызісу, Алесь Бяляцкі адказаў:
- Такая тэндэнцыя ў корані не дакладная, таму што Лукашэнка ніякім міратворцам не з'яўляецца. Пляцоўку для перамоў выбіраў не Лукашэнка, а Пуцін, Кіеву ў сваю чаргу, нічога не заставалася, акрамя як пагадзіцца. Так што Лукашэнка з'яўляецца малодшым партнёрам старэйшага партнёра. Да таго ж, апошнія кантакты Менска з Масквой у ваеннай сферы прадэманстравалі, што Беларусь не з'яўляецца нейтральнай краінай.
Фота: charter97.org