Дзевяцігадовая брытанка выйграла чэмпіянат свету ў скачках па лужынах
4- 31.10.2014, 20:57
- 10,494
У спаборніцтвах прымалі ўдзел 400 чалавек.
Брытанка Чарлі Слайт перамагла ў чэмпіянаце свету ў скачках па лужынах, паведамляе Газета.Ru са спасылкай на The Telegraph. Дзевяцігадовая жыхарка Кетэрынга змагла стаць лепшай сярод 400 удзельнікаў спаборніцтва. Спаборніцтвы праводзіліся ў Wicksteed Park, размешчаным у родным горадзе Слайт.
Адзначаецца, што дзяўчынка перамагла напярэдадні свайго дзесяцігоддзя. «Гэта лепшы падарунак», - прызналася Слайт. «Мне падабаецца скакаць па лужынах, але звычайна мама мне не дазваляе гэта рабіць, таму што, калі я вяртаюся, я пэцкаю дом», - распавяла брытанка.
Пераможцу спаборніцтваў вызначалі па вышыні скачка і ўзроўню энтузіязму. Акрамя таго, ацэньвалася адлегласць, на якую разляталіся пырскі, і «маштаб выпацканасці» ўдзельніка.
Фота: Alison Bagley/Cavendish