Ferrari запатэнтавала назву свайго першага матацыкла

Кампанія Ferrari прадставіла ў рэгістрацыйную інстанцыю фатаграфіі матацыклетнага двухцыліндравага V-падобнага рухавіка ўласнай распрацоўкі.

Таксама італійцы атрымалі ад патэнтавых органаў дазвол на выкарыстанне назвы Cavallino («поні» ў перакладзе з італійскага). Як мяркуецца, так можа быць названы першы матацыкл «Ферары». Пра гэта паведамляе выданне Autocar.

Галоўнай асаблівасцю зарэгістраванага матора з'яўляецца адсутнасць балансірных валаў - каленвал збалансаваны такім чынам, што функцыю ў зніжэнні вібрацый ён бярэ на сябе. У «Ферары» мяркуюць, што такая схема дазволіць скараціць масу матацыкла.

Выявы рухавіка з дапамогай кампутарнай графікі былі накладзеныя на фота матацыкла тыпу «круізэр». Самі здымкі выданне Autocar не прадставіла, абмежаваўшыся толькі іх апісаннем. Аўтары нататкі прыйшлі да высновы, што на ілюстрацыях намаляваны прататып, і серыйны варыянт будзе выглядаць інакш, піша motor.ru.

Autocar звязвае з'яўленне інфармацыі аб магчымым выпуску першага матацыкла «Ферары» з кадравымі перастаноўкамі: у пачатку верасня з пасады кіраўніка кампаніі сышоў Лука дзі Мантэземала, а яго месца заняў генеральны дырэктар канцэрна Fiat Chrysler Сэрджыа Маркіёні. Паводле звестак прэсы, Маркіёні актыўна выступае за выпуск матацыкла Ferrari. Кіраўнік спадзяецца, што кампанія складзе канкурэнцыю марцы Ducati, якая належыць Audi.