Выбух у цэнтры Грознага: загінулі чацвёра паліцыянтаў
29- 5.10.2014, 17:28
- 26,167
У цэнтры сталіцы Чачні адбыўся выбух.
Загінулі чацвёра паліцыянтаў. Яшчэ чацвёра супрацоўнікаў МУС пацярпелі. Пра гэта паведамілі РБК ў прэс-цэнтры МУС Расеі.
Паведамляецца, што выбух адбыўся каля чыгуначнага вакзалу.
У прэс-цэнтры распавялі, што супрацоўнікі МУС прадухілілі тэракт на масавай акцыі ў Грозным. Увечары ў нядзелю, 5 кастрычніка, у сталіцы Чачні мусіў адбыцца канцэрт, прымеркаваны да Дня горада. Паліцыянты, якія пільнавалі ля мэталадэтэктараў, заўважылі падазронага чалавека. Пры надглядзе мужчына ўчыніў самавыбух.
Інфармацыі аб пацярпелых сярод цывільных асоб няма.