На мяжы Беларусі згарэла фура з Украіны

Грузавік, які належаў украінскаму перавозніку, згарэў на нейтральнай тэрыторыі ў пункце пропуску Новая Гута.

Інцыдэнт адбыўся сёння ўночы. Пра гэта сайту charter97.org паведамілі ў прэс-службе МНС Беларусі.

Аўтамабіль ехаў з Украіны ў Расею і быў загружаны мэбляй. Першай загарэлася кабіна, далей агонь перакінуўся на прычэп. На ліквідацыю выехалі аддзяленні з Чарацянкі і Гомеля, а таксама з Дабранкі Чарнігаўскай вобласці. Да моманту прыбыцця пажарных ратаваць ужо не было чаго, аўтамабіль быў знішчаны разам з грузам.

Кіроўца не пацярпеў. Прычына пажару высвятляецца.