Пагадненне аб асацыяцыі ЕЗ і Украіны ўваходзіць у дзеянне

1 лістапада часткова ўваходзіць у дзеянне пагадненне аб асацыяцыі паміж Украінай і Еўрапейскім звязам.

Пры гэтым частка палажэнняў, якія тычацца стварэння зоны свабоднага гандлю, не будзе дзейнічаць як мінімум да канца 2015 года.

Кіеў адклаў рэалізацыю гэтых палажэнняў пад ціскам Масквы, якая заяўляе, што яе рынак можа быць наводнены таннымі еўрапейскімі таварамі, якія будуць пастаўляцца праз Украіну, паведамляе BBC.

Сутнасць пагаднення аб асацыяцыі заключаецца ў паступовай лібералізацыі гандлёвых стасункаў, у выніку якой Брусэль прадстаўляе свабодны доступ украінскіх тавараў на еўрапейскі рынак. ЕЗ таксама забяспечвае Кіеў тэхнічнай і матэрыяльнай падтрымкай для таго, каб той змог адаптавацца да еўрапейскага эканамічнаму заканадаўства.

У адказ ЕЗ патрабуе, каб краіна, якая заключае з ім падобнае пагадненне, падтрымлівала пэўныя стандарты ў галіне правоў чалавека і дэмакратыі, вяла барацьбу з карупцыяй, умацоўвала вяршэнства права і праводзіла рэформы ў эканоміцы.

Украіна вяла перамовы аб укладанні пагаднення аб асацыяцыі яшчэ ў 2007-2011 гадах. У сакавіку 2012 года ўлады парафіравалі яго, аднак у лістападзе 2013 прэзідэнт Украіны Віктар Януковіч абвясціў аб тым, што прыпыняе працэс падпісання пагаднення. Гэта прывяло да масавых пратэстаў, у выніку якіх Януковіч збег у Расею.

Новыя ўлады Украіны падпісалі ў Брусэлі палітычную частку пагаднення 21 сакавіка, а 27 чэрвеня свой подпіс пад эканамічным блокам дакумента паставіў прэзідэнт Пётр Парашэнка.

На трохбаковых перамовах паміж ЕЗ, Украінай і Расеяй, якія адбыліся ў пачатку верасня, Маскве ўдалося дамагчыся адтэрміноўкі выканання палажэнні аб зоне свабоднага гандлю да 31 снежня 2015 года.

Да гэтага часу ЕЗ будзе прадстаўляць гандлёвыя прывілеі ўкраінскім таварам, якія экспартуюцца на еўрапейскія рынкі. Аднак еўрапейскія тавары, якія паступаюць ва Украіну, па-ранейшаму будуць абкладацца звыклымі падаткамі. Таксама да канца 2015 для Кіева захаваецца рэжым свабоднага гандлю ў рамках СНД.

Пры гэтым з канца кастрычніка Расея забараніла ўвоз з Украіны ўсёй расліннай прадукцыі - гародніны, садавіны, травы.

Яшчэ раней Масква ўвяла абмежаванне на ўвоз сокаў, малочнай і сырнай прадукцыі, кандытарскіх вырабаў, рыбных і плодаагароднінных кансерваў і асобных відаў алкаголю з Украіны.

Кіеў абвінавачвае Расею ў тым, што забарона на ўвоз украінскай прадукцыі з'яўляецца парушэннем правілаў СГА, і пагражае разглядам у рамках гэтай арганізацыі.