Жыхароў акупаванага Крыма папярэдзілі аб скачку цэн
26- 1.11.2014, 16:58
- 22,120
Рост спажывецкіх цэн у 2015 годзе складзе 17,5%.
Пра гэта паведамляе «Крым. Рэаліі»са спасылкай на прэс-службу «ўрада» Крыма.
«Рост цэн прагназуецца ў сувязі з чаканым павышэннем тарыфаў на жыллёва-камунальныя паслугі, ростам цэн на алкагольную і тытунёвую прадукцыю, а таксама інфляцыйнымі чаканнямі ў цэлым па Расейскай Федэрацыі», - гаворыцца ў паведамленні.
Пры гэтым чакаецца, што сярэднямесячная намінальная заработная плата ў Крыме ў 2015 годзе складзе 18,6 тыс. руб.
Нагадаем, у Крыму зафіксаваныя факты неабгрунтаванага завышэння цэн у аптэчных установах. Як распавяла ўчора на паседжанні «савета міністраў» Крыма намеснік кіраўніка акупацыйнай адміністрацыі паўвострава Ларыса Апанасюк, адпаведныя сігналы паступаюць ва «ўрад» ад насельніцтва.
Расея акупавала тэрыторыю Крыма ў сакавіку 2014 года пасля незаконнага "рэфэрэндуму", праведзенага сепаратыстамі.