ДТЗ на запраўцы ў Менску: аўтамабіль павіс на плоце

Незвычайнае ДТЗ здарылася ўчора ўвечары каля 18:30.

Кіроўцы, якія з'язджалі з МКАД на праспект Пераможцаў, маглі назіраць незвычайную карціну: на тэрыторыі запраўкі «Беларуснафты» на бетоннай агароджы практычна «вісеў» аўтамабіль, піша onliner.by.

«Сёння паміж 18:30 і 19:30 на запраўцы, якая знаходзіцца на з'ездзе з МКАД на праспект Пераможцаў, малады кіроўца пратараніў на сваім седане бетонную сцяну, якая, мяркуючы па ўсім, абгароджвала біяпрыбіральні або сметніцы, - паведаміў сведка. - Прычым паходу ён падляцеў ад удару аб бардзюр і знёс гэтую сцяну дном аўтамабіля, так як пярэдняя частка аўто амаль не пацярпела. Машына двума коламі як быццам павісла ў паветры».

Як паведамілі іншыя сведкі, незвычайнаму «кульбіту» папярэднічала ДТЗ. Паводле папярэдняй інфармацыі, два аўтамабіля з'язджалі з кальцавой у бок праспекта. Той, які ехаў правей, учыніў рэзкі манеўр (верагодна, захацеў у апошні момант павярнуць на АЗС). Аўто меркаванага вінаватага закранула правае крыло машыны ахвяры, якая пасля ўляцела на тэрыторыю запраўкі.