Супрацоўнікі ДАІ выратавалі менчука з палаючага аўтамабіля
7- 17.11.2014, 9:24
- 12,684
ДТЗ адбылося на скрыжаванні вуліц Янкі Купалы і Куйбышава.
У Менску супрацоўнікі ДАІ выратавалі кіроўцу з палаючага аўтамабіля. Пра гэта паведаміла кіраўніца прэс-службы ДАІ ГУУС Менгарвыканкама Таццяна Харлінская, паведамляе БелТА.
«Інспектары ДАІ дзяжурылі ў Цэнтральным раёне, калі міма экіпажа з відавочным перавышэннем хуткаснага рэжыму праехаў кіроўца «Мерседэса». Супрацоўнікі ДАІ праз радыёэфір перадалі кірунак руху гэтага аўтамабіля і накіраваліся за ім. На скрыжаванні вуліцы Куйбышава з вуліцай Я.Купалы кіроўца наехаў на бетонную сцяну, і аўтамабіль загарэўся», - распавяла Таццяна Харлінская.
Падаспелі супрацоўнікі ДАІ выцягнулі кіроўцу з палаючага аўтамабіля і тым самым выратавалі яго. «Калі супрацоўнікі ДАІ аказвалі дапамогу пацярпеламу, ён быў без прытомнасці. Кіроўца дастаўлены ў бальніцу хуткай меддапамогі для далейшага медыцынскага абследавання. Устанаўліваецца, ці быў ён у стане алкагольнага ап'янення», - дадалі ў сталічнай Дзяржаўтаінспекцыі.