Аварыя на шахце ў Салікамску: акцыі «Уралкалія» ўпалі на 5%

Пачалася эвакуацыя рабочага персаналу.

Сёння на рудніку рудаўпраўлення "Салікамск-2" ААТ "Уралкалій" у Перскім краі адбылося рэзкае павелічэнне прытоку расолаў у шахту, піша "Рифей".

У сувязі з гэтым быў уведзены план ліквідацыі аварыі на рудніку, паведамілі ў кампаніі. Пачалася эвакуацыя рабочага персаналу.

У мэтах бяспекі здабыча калійнай руды ў рудніку была прыпыненая. За канцэнтрацыяй і аб'ёмамі прытоку расола вядзецца маніторынг. Аб тым, што здарылася, кампанія праінфармавала адпаведныя органы дзяржаўнай улады. Іншыя рудаўпраўленні кампаніі працуюць у штатным рэжыме, паведамілі ва "Уралкаліі".

Акцыі ААТ "Уралкалій" у другой палове таргоў аўторка пасля з'яўлення інфармацыі аб павелічэнні прытоку расола ў шахце "Салікамск-2" упалі больш чым на 5% (паводле стану на 18:00).