Алігарх Курчанка стаў грамадзянінам Сербіі?
2- 21.11.2014, 16:59
- 12,165
Украінскі алігарх Сяргей Курчанка, які расшукваецца Інтэрполам, атрымаў сербскае грамадзянства.
Уладальнік "Металіста" і "Усходне-еўрапейскай энэргетычнай кампаніі" (УЕТЭК) Сяргей Курчанка атрымаў сербскае грамадзянства з паскоранай працэдуры. Пра гэта паведамляе Blic, піша delo.ua.
"Грамадзянства магло быць прадстаўлена як замежніку, які часова працуе ў Сербіі. Мяркую, Курчанка будзе ўкладваць мільёны ў сербскую энэргетыку, таму ўрад наважыў прыняць гэтую прапанову", - паведамляе крыніца выдання.
Нагадаем, Генпракуратура Украіны ў рамках расследавання справы УЕТЭК арыштавала актывы на суму звыш 2 млрд грн (больш за $150 млн). Кіраўнік назіральнай рады і ўласнік "УЕТЭК" Курчанка абвешчаны ў міжнародны вышук. Паводле звестак следства, Курчанка" стварыў і непасрэдна ўзначаліў кіраўніцтва злачыннай арганізацыяй, дзейнасць якой нанесла страты дзяржаве ў нафтагазавай і банкаўскі сферах на агульную суму каля 5 млрд грн".
Паводле паведамлення ўкраінскіх СМІ, Курчанка пакінуў тэрыторыю Украіны пасля перамогі Майдана праз Беларусь.