Тэрыторыю Украіны зноў абстралялі з Расеі
8- 22.11.2014, 16:49
- 14,404
Зафіксаваны новы абстрэл украінскай тэрыторыі з боку Расейскай Федэрацыі.
Пра гэта заявіў спікер Рады нацыянальнай бяспекі і абароны Украіны Андрэй Лысенка, паведамляюць «Украінскія навіны».
З ягоных слоў, гэта была «праца» расейскай артылерыі.
Паводле звестак РНБА за мінулыя суткі зафіксавана перакідванне калон з расейскай тэхнікай ў Луганскую вобласць.
Абстрэлы з боку тэрарыстаў працягваюцца, баевікі абстрэльваюць як пазіцыі сіл АТА, так і населеныя пункты, адзначыў прадстаўнік РНБА.
Лысенка адзначыў, што падчас антытэрарыстычнай аперацыі 21 лістапада 4 вайскоўцы загінулі, 10 атрымалі раненні. Акрамя таго, у выніку абстрэлу тэрарыстамі Дэбальцава Данецкай вобласці раненні атрымалі 5 мірных жыхароў.
Са слоў Лысенкі, тэрарысты наносілі агнявыя ўдары, выкарыстоўваючы сістэмы залпавага агню «Град» і «Ураган».
У выніку масіраванага абстрэлу разбураныя 20 жылых дамоў у цэнтральнай частцы горада.