У небе над Гомелем можна было ўбачыць выбух баліда (Відэа)

Учора блізу дзевяці гадзін вечара ў небе над Гомелем можна было ўбачыць яркі сіні выбліск.

Хутчэй за ўсё, гэта быў выбух баліда. Відэа, знятае на праспекце Кастрычніка (кірунак у бок вуліцы Косарава), выклаў у сетку гамяльчук Юрый Шаўцоў, пішуць «Сильные новости».

Баліды - нябесныя целы, якія цалкам руйнуюцца (выбухаюць або згараюць) у зямной атмасферы. Часцей за ўсё палёт баліда не нясе ніякай небяспекі, калі толькі ён не руйнуецца занадта блізка ад паверхні Зямлі.