Нямцоў распавёў, як Гіркін падставіў Пуціна і Лаўрова
56- 23.11.2014, 12:55
- 108,994
Расейскі апазіцыянер Барыс Нямцоў патлумачыў, што былы верхавод тэрарыстаў Ігар Гіркін падставіў расейскую ўладу.
Пра гэта ён напісаў у «Фэйсбуку».
«Пуцін з Лаўровым выходзяць з сябе, даказваючы, што расейскіх войскаў на Данбасе няма, а гэтыя два балваны вазьмі і бракні.
Аляксандр Праханаў: Выраўноўванне фронту і кідок на Марыупаль - гэта ўсё толькі «адпускнікі» рабілі ці апалчэнцы таксама ўдзельнічалі?
Ігар Гіркін: Асобныя падраздзяленні апалчэння былі ім падпарадкаваныя. Але ў асноўным на Марыупаль наступалі «адпускнікі». Калі яны сышлі, неабароненай засталася і лінія фронту, і магчымасці.
У Брусэлі і Вашынгтоне інтэрв'ю Гіркіна чакалі. І дачакаліся. Наперадзе новыя санкцыі. Ну не дэбілы?» - напісаў палітык.