Польскія вайскоўцы праляцяць над Беларуссю на ўкраінскім самалёце
- 24.11.2014, 10:17
- 4,184
Палёт пройдзе на гэтым тыдні.
Місія Польшчы ў перыяд з 24 да 28 лістапада плануе выканаць назіральны палёт над тэрыторыямі Беларусі і Расеі ў рамках рэалізацыі міжнароднага Дагавора адкрытага неба. Пра гэта паведамілі ў Мінабароны РФ, паведамляе «Интерфакс».
«Палёт будзе выкананы на ўкраінскім самалёце назірання Ан-30Б», - паведаміў журналістам начальнік нацыянальнага Цэнтра памяншэння ядзернай небяспекі Сяргей Рыжкоў.
Ан-30Б не прызначаны для прымянення зброі. Самалёт і ўсталяваныя на ім аэрофотаапараты прайшлі міжнародны агляд. У ім бралі ўдзел і расейскія спецыялісты, «што выключае выкарыстанне тэхнічных сродкаў, не прадугледжаных Дагаворам адкрытага неба», адзначыў Рыжкоў.