Андрэй Гайдукоў зноў затрыманы за раздачу ўлётак
7- 24.11.2014, 15:45
- 6,368
Актывіст аргкамітэта ў стварэнні партыі «Беларуская Хрысціянская дэмакратыя» Андрэй Гайдукоў 24 лістапада затрыманы ў Полацку.
Як паведамілі charter97.org у прэс-службе БХД, Гайдукоў раздаваў улёткі з інфармацыяй пра палітвязняў.
Гайдукова абвінавачваюць у арганізацыі несанкцыянаванага пікету. Улёткі канфіскаваныя.
Таксама быў затрыманы малады чалавек, які фатаграфаваў, як Гайдукоў раздае ўлёткі.
Нагадаем, былы палітвязень Андрэй Гайдукоў 21 лістапада ўжо затрымліваўся за раздачу ўлётак у Наваполацку. Тады яго таксама адвезлі ў міліцыю, дзе склалі пратакол з нагоды арганізацыі і правядзення несанкцыянаванага масавага мерапрыемства (ч. 1 арт. 23.34 Кодэкса аб адміністрацыйных правапарушэннях).