Мікалай Статкевіч: Авіябаза ў Бабруйску - зручнае месца для удараў па Кіеве
7- 25.11.2014, 15:52
- 47,517
Лукашэнка ўцягвае Беларусь у вайну.
Пра гэта заявіў палітвязень, падпалкоўнік запасу Мікалай Статкевіч. Ягоныя словы прыведзеныя ў афіцыйным запісе палітыка ў сацыяльнай сетцы «Фэйсбук».
«Наконт вайны - калі такое, не дай Бог, здарыцца, то і мы можам быць у яе ўцягнутыя. Думаю, што планаваная расейская авіябаза ў Бабруйску для таго і разгортваецца. Усяго толькі дзвесце з невялікім кіламетраў да ўкраінскай мяжы. А там яшчэ праз паўтары сотні кіламетраў - і Кіеў. Вельмі зручнае месца для авіяўдараў. Толькі нам гэта навошта?
Вось і ўся «міратворчасць», - заявіў ён.
Нагадаем, авіябаза Расеі павінна з'явіцца ў 2016 годзе ў Бабруйску. На ёй будуць размешчаны знішчальнікі Су-27.