СБУ: Выбухі ў Харкаве скаардынаваныя спецслужбамі Расеі
7- 25.11.2014, 20:29
- 19,577
Апошнія падзеі ў Харкаве сведчаць аб тым, што пагроза тэрактаў застаецца.
Старшыня Службы бяспекі Украіны Валянцін Налівайчанка заявіў, што нядаўнія выбухі ў Харкаве былі скаардынаваныя спецслужбамі Расеі, паведамляюць "Украінскія навіны".
"Мы дакладна бачым каардынацыю гэтай работы спецслужбамі Расеі", - сказаў Налівайчанка.
Паводле ягоных слоў, апошнія падзеі ў Харкаве сведчаць аб тым, што пагроза застаецца.
"І СБУ, і МУС будуць узмоцнена там працаваць", - дадаў ён.
Налівайчанка падкрэсліў, што галоўней за ўсё аб'яднаць намаганні МУС, СБУ і грамадскасці для барацьбы з такімі з'явамі.
Нагадаем, 11 чалавек шпіталізаваныя з-за выбуху ў рок-пабе "Сцяна" на вул. Рымарской, 13 у цэнтры Харкава 9 лістапада.
Выбух вагона грузавога цягніка без ахвяр адбыўся 9 лістапада ў Харкаўскай вобласці.
Вечарам 20 лістапада адбыўся выбух электрычнай падстанцыі каля Харкаўскага вайскова-медыцынскага клінічнага цэнтра Паўночнага рэгіёну на вул. Трынклера, 14.
21 лістапада каля 22:30 адбыўся выбух у раёне сартавальнай пазакласнай станцыі Харкаўскага чыгуначнага вузла Ізюмскага і Купянскага напрамкаў "Аснова" ў Харкаве.
24 лістапада каля 23:50 адбыўся выбух ля плота вайсковай часткі ў раёне 5-павярховага жылога дома на вул. Палтаўскі шлях, 55а ў Харкаве.