Украінская артылерыя нанесла 80 удараў у адказ па баявіках
2- 26.11.2014, 10:13
- 10,442
Сітуацыя ў зоне правядзення антытэрарыстычнай аперацыі застаецца напружанай.
За дзень зафіксавана 47 абстрэлаў баявікамі пазіцый сіл АТА. Агонь вёўся з выкарыстаннем розных тыпаў гармат, мінамётаў, рэактыўных сістэм, танкаў, піша УНИАН.
Актыўнасць баявікоў захоўваецца ў трох стратэгічных кірунках: Луганскім, Дэбальцэўскім і Данецкім.
У зоне абстрэлаў з боку баевікоў апынуліся населеныя пункты Луганскай вобласці: Станічна-Луганскае, Арцема, Альхова, Крымскае, Шчасце, Трохізбёнка, Сакольнікі, Верхняя Альховая. На Данетчыне - населеныя пункты Малаарлоўка, Пескі, Данецк, Еленаўка, Новакалінава, Тоненькае, Опытнае, Верхнеторацкае.
«У Дэбальцэўскім кірунку - Дэбальцаво, Нікішына, Шумы, Палтаўскае, Калінаўка, Траецкае, Міус», - гаворыцца ў паведамленні прэс-цэнтра АТА.
Акрамя таго, на тэрыторыі Данецкай і Луганскай абласцей зафіксавана 10 абстрэлаў населеных пунктаў. Працягваецца праверка інфармацыі аб гібелі і раненні грамадзянскіх асоб. Таксама былі атакі на аэрапорт «Данецк».
Артылерыя сіл АТА, у адказ на падступныя абстрэлы з боку баевікоў, выканала 83 агнявыя ўдары па іх пазіцыях.