Міністр нафты Кувейта: Краіны АПЕК гатовыя жыць пры кошце на нафту ў $60
9- 27.11.2014, 16:06
- 20,464
Краіны АПЕК павінны будуць прыняць усякі рынкавы кошт на нафту, у тым ліку - 60 даляраў за барэль.
Пра гэта заявіў у Вене міністр нафты Кувейта Алі Салех аль-Амайр, паведамляе «Прайм» са спасылкай на Gulf News.
«Мы павінны жыць і пры 80 далярах за барэль, і пры 60 далярах за барэль, і пры 100 далярах», - падкрэсліў ён перад пасяджэннем міністраў АПЕК, на якім можа быць разгледжаная магчымасць зніжэння здабычы ў краінах экспартнага картэлю.
Напомнім, кошт нафты Brent сёння склаў 75,75$. Гэта самыя нізкія паказчыкі за чатыры гады.