На пешаходным пераходзе ў Жлобіне збілі маці з дзіцем
4- 5.11.2014, 19:28
- 14,041
Маці з дзіцем шпіталізаваныя.
Сёння раніцай у Жлобіне адбылася аварыя недалёка ад мясцовага інтэрната: на пешаходным пераходзе аўтамабілем маркі AUDI 6 была збітая маладая жанчына, якая пераходзіла вуліцу з вазком, у якім было маленькае дзіця.
Пра гэта паведамляе zhlobin-news.org.
Паводле апошняй інфармацыі, маці з дзіцем шпіталізаваныя ў мясцовую бальніцу.
Варта адзначыць, што відавочцы здарэння сцвярджаюць, кіроўца рухаўся на высокай хуткасці, і проста не паспеў своечасова затармазіць перад пешаходным пераходам. Акрамя таго, відавочцы сцвярджаюць, што аўтамабіль, які збіў пешаходаў, меў расейскія нумары.
Дадамо, у апошні час горад Жлобін літаральна накрыла невядомая эпідэмія ДТЗ. Так, нядаўна аўтамабіль ДАІ на высокай хуткасці пратараніў Peugeot, у якім было непрышпіленае дзіця. Гэтае здарэнне здабыла даволі шырокі грамадскі рэзананс.