У аварыі ў Менску загінулі дзве дзяўчыны

Сталі вядомыя падрабязнасці ўчорашняй буйной аварыі ў Менску.

Паводле папярэдняй версіі, легкавы аўтамабіль Dodge рухаўся па вуліцы Ванеева ў бок 2-га Веласіпеднага завулка.

У аўто знаходзіліся 5 чалавек: трое дзяўчат на заднім сядзенні і двое хлопцаў спераду, піша Onliner.by.

Паводле звестак ДАІ, усім, хто ехаў у аўтамабілі, было не больш за 20 гадоў. Высвятляецца, што дарагі аўтамабіль быў у пракаце.

«Як мяркуецца, а 12:15 аўто сышоў у не кіраваны занос, - распавяла Таццяна Красій, старшы інспектар у агітацыі і прапагандзе ДАІ Ленінскага раёна. - У выніку сутыкнення хлопцы і адна з пасажырак абышліся лёгкімі траўмамі, другая дзяўчына сур'ёзна пацярпела і была дастаўлена ў рэанімацыю, трэцяя - загінула».

«Следствам устаноўлена, што, рухаючыся ў другой паласе, пры пераездзе скрыжавання 18-гадовы кіроўца не справіўся з кіраваннем, у выніку чаго аўтамабіль увайшоў у не кіраваны занос, што і прывяло да таго, што здарылася», - паведамляюць супрацоўнікі Следчага камітэта.

На месцы здарэння працавала следча-аператыўная група. Для каардынацыі дзеянняў на месца ДТЗ выбываў начальнік упраўлення Следчага камітэта г. Менску. Прызначаны шэраг экспэртных даследаванняў, у тым ліку судова-медыцынская і аўтатэхнічная экспертызы. Паводле факта ДТЗ распачатая крымінальная справа.

Кіроўца 1996 нараджэння атрымаў пасведчанне 2 месяцы таму.

У сацыяльнай сетцы ёсць інфармацыя з нагоды аўтамабіля. Узмоцнены маторам у 5,7 літра Dodge Charger здаваўся ў арэнду. Суткі каштавалі 110 даляраў.

Ужо ўвечары 7 лістапада ў афіцыйным Twitter-акаўнце Следчага камітэта з'явілася паведамленне: «Дзяўчына, якая патрапіла сёння ў ДТЗ на вул. Ванеева, памерла ў шпіталі». Такім чынам, колькасць ахвяр гэтай аварыі павялічылася да двух.