Дзярждэп ЗША зняпраўдзіў падпісанне закона аб дапамозе Украіне
3- 18.12.2014, 9:17
- 8,482
Дзярждэпартамэнт ЗША зняпраўдзіў інфармацыю аб падпісанні прэзідэнтам Баракам Абамам законапраекта «Акт у падтрымку свабоды Украіны».
Пра гэта паведамілі ў прэс-службе Дзярждэпу, паведамляе «Укринформ».
«Яна (Джэн Псакі) сапраўды сказала так, але гэта не адпавядае рэчаіснасці. Мы ўжо выправілі гэта ў стэнаграме са спасылкай у канцы тэксту», - адзначылі ў ведамстве.
У спасылцы, прынамсі, гаворыцца: «Прэзідэнт Абама не падпісаў закон».
Як паведамлялася, падчас прэс-брыфінгу ў сераду афіцыйная прадстаўніца Дзярждэпартамэнту ЗША Джэн Псакі адзначыла, што кіраўнік Белага дома падпісаў у аўторак «Акт у падтрымку свабоды Украіны».