29 сакавiка 2024, Пятніца, 3:23
Падтрымайце
сайт
Сім сім,
Хартыя 97!
Рубрыкі

Лётчыца Саўчанка прадоўжыць галадоўку ў СІЗА

1
Лётчыца Саўчанка прадоўжыць галадоўку ў СІЗА

Украінская лётчыца Надзея Саўчанка будзе прадаўжаць галадоўку пасля 22 снежня, калі планавалася завяршыць акцыю пратэсту.

Пра гэта паведаміў адвакат украінкі, якая знаходзіцца ў маскоўскім СІЗА, Марк Фейгін, паведамляе BBC.

22 снежня суд плануе разгледзець скаргу адвакатаў на падаўжэнне яе арышту да 13 лютага 2015.

Надзея Саўчанка, якую расейскае следства абвінавачвае ў датычнасці да гібелі двух журналістаў ВГТРК у Луганскай вобласці мінулым летам, абвясціла галадоўку ў панядзелак, калі да яе не пусцілі лекара. Яна скардзілася на болі ў вуху і пагаршэнне слыху.

Лётчыца, якая служыла ва ўкраінскім Добраахвотніцкага батальёне "Айдар", была ўзятая ў палон прарасейскімі сепаратыстамі і перапраўленая ў Расею, дзе змяшчалася пад вартай у Варонежы, а потым была дастаўленая ў Маскву.

Прэзідэнт Расеі Уладзімір Пуцін на прэс-канферэнцыі ў Маскве паўтарыў сцвярджэнні следства аб дачыненні Саўчанка да гібелі расейскіх журналістаў. Ён сказаў, што Саўчанка будзе адпушчаная, калі суд ўстановіць яе невінаватасць. У адваротным выпадку, са слоў Пуціна, яна будзе адбываць пакаранне.

Пуцін сказаў пра гэта, адказваючы на пытанне агенцтва УНІАН, калі будуць вызваленыя Надзея Саўчанка, рэжысёр Алег Сянцоў і іншыя ўкраінскія палонныя, якія ўтрымліваюцца ў зняволенні ў Расеі.

Напісаць каментар 1

Таксама сачыце за акаўнтамі Charter97.org у сацыяльных сетках