Мінгандлю Беларусі закрыў 13 інтэрнэт-крам

Міністэрства гандлю Беларусі прыпыніла работу 13 інтэрнэт-крам.

Аб гэтым паведаміла сёння журналістам намеснік міністра Ірына Наркевіч, паведамляе карэспандэнт БелТА.

"Міністэрства гандлю як рэгулятар радае было, што інтэрнэт-гандаль у краіне актыўна развіваецца. Але апошнім часам чамусьці нашыя інтэрнэт-крамы раптам палічылі, што ўведзены мараторый на павышэнне цэн і ўвогуле заканадаўства нашай краіны іх не датычыцца. Вядома, гэтага не павінна быць, таму сёння мы закрылі 13 інтэрнэт-крам. Акрамя таго, тром інтэрнэт-пляцоўкам выпісаныя папярэджанні", - адзначыла Ірына Наркевіч.

Закрытыя інтэрнэт-крамы дапусцілі парушэнні заканадаўства аб гандлі і абароне праў спажыўцоў, якое выявілася, у прыватнасці, у незахаванні патрабаванняў аб размяшчэнні на сайце цаны выключна ў беларускіх рублях, поўнай інфармацыі аб прадаўцу, вытворцы і імпарцёру, рэквізітаў аб дзяржаўнай рэгістрацыі індывідуальнага прадпрымальніка. Работа інтэрнэт-крам будзе адноўленая 24 снежня пры ўмове падачы суб'ектамі гандлю ў Мінгандлю дакументаў, якія пацвярджаюць выкананне выдадзеных ім прадпісанняў аб спыненні парушэнняў праў спажыўцоў.

Прадпісанні аб ліквідацыі выяўленых парушэнняў заканадаўства аб рэкламе вынесеныя сайтам www.deal.by, www.migom.by, www.kufar.by. На іх размяшчаецца рэклама тавараў з указаннем кошту ў далярах ЗША. Гэта недакладныя звесткі пра кошт тавару, так як паводле заканадаўства цана на тавар павінная быць устаноўленая ў беларускіх рублях. У цяперашні час вядзецца работа ў прыцягненні ўладальнікаў гэтых сайтаў да адміністрацыйнай адказнасці паводле ч.1 ст.12.15 КаАП Беларусі, паводле якой прадугледжаная адказнасць у выглядзе штрафу ад Br3 млн да Br7,5 млн.