На дарогах Беларусі – галалёд

У выніку паніжэння тэмпературы на большай частцы Беларусі ўтварыліся небяспечныя дарожныя ўмовы.

Месцамі на дарогах галалёд. Акрамя таго, выпаў свежы снег, піша «Наша Нiва».

Кіроўцам рэкамендуецца выбар мінімальнага хуткаснага рэжыму, без рэзкіх разгонаў і тармажэнняў. Асабліва ўважлівымі трэба быць на мастах і схілах.

Пешаходам трэба асцерагацца падзенняў і памятаць, што тармазны шлях транспартных сродкаў на такой дарозе павялічваецца, машыны можа заносіць.