Беларусь прыпыніла транзіт электронікі з Калінінграда
5- 22.12.2014, 15:44
- 15,945
Беларускія мытнікі перакрылі транзіт у Расею электронікі з Калінінграда.
Пра гэта паведамляе ТАСС са спасылкай на крыніцы GS Group і завода электронікі «Телебалт».
Абедзве кампаніі вырабляюць прадукцыю ў Калінінградскай вобласці і дастаўляюць яе ў іншыя расейскія гарады аўтамабільным транспартам транзітам праз Беларусь.
«Кіраўніцтва кампаніі не атрымлівала ніякіх апавяшчэнняў ад прадстаўнікоў мытнай службы Беларусі, машыны проста перасталі прапускаць праз мяжу, ніякіх прычын адмовы ў пропуску не называлася», - растлумачыў дырэктар маркетынгу расейскага холдынгу GS Group Андрэй Бязрукаў.
Бязрукаў падкрэсліў, што дзеянні мытных органаў Беларусі не могуць быць звязаныя з выплатай мытных збораў, бо яны выплачваюцца ва ўстаноўленым парадку.