Lenovo выпусціць смартфон з рэкордным часам аўтаномнай працы
5- 22.12.2014, 16:00
- 12,222
Кітайская кампанія Lenovo плануе выпусціць чарговы смартфон, здольны працаваць без падзарадкі на працягу доўгага часу.
Як паведамляе інтэрнэт-выданне Ferra, у хуткай будучыні да мадэляў P780 і S860 далучыцца чарговая навінка - Lenovo P70t.
Паводле звестак крыніц, смартфон атрымае 5-цалевы дысплей у 720x1280 пікселяў і будзе абсталёўвацца 64-разрадным чыпсэтам ад MediaTek, 1 Гб аператыўнай і 8 Гб унутранай памяці. Акрамя таго, прылада атрымае слот для карт памяці microSD і будзе падтрымліваць дзве SIM-карты. У асноўнай камеры будзе 13 мегапікселяў, франтальнай - 5 мегапікселяў.
Заяўленая ёмістасць акумулятара Lenovo P70t складае 4000 мАг і не дзівіць уяўленне, аднак дзякуючы ўжыванню спецыяльнай тэхналогіі нізкага энэргаспажывання смартфон зможа працаваць да 15 гадзін з уключаным дысплеем, а час аўтаномнай працы ў рэжыме чакання складзе 46 дзён.
Габарыты апарата складуць 142 71,8 8,9 мм. Тыльная панэль Lenovo P70t будзе выканана з мяккага матэрыялу, які нагадвае скуру. Аб дакладных тэрмінах з'яўлення смартфона на рынку не паведамляецца, але, паводле звестак крыніц, продажы P70t могуць пачацца бліжэйшым часам.
Нагадаем, што некаторы час таму Lenovo ў ліку іншых азіяцкіх кампаній абвясціла пра падвышэнне коштаў на свае прылады на расейскім рынку ў сувязі з сур'ёзным падзеннем курсу рубля.