Палтарак: У Данбасе ваююць блізу 30 тысяч баевікоў
1- 22.12.2014, 17:16
- 11,508
Каля васьмі тысяч з іх - расейскія вайскоўцы.
Пра гэта заявіў міністр абароны Украіны Сцяпан Палтарак, піша «BBC Україна».
Паводле яго даных, блізу 8 тысяч з іх - расейскія вайскоўцы.
«Тое, што яны тут знаходзяцца, мы ўважаем за акупацыю і, адпаведна, ставімся да іх як да акупантаў», - заявіў Палтарак.
Ён таксама дадаў, што з 30 тысяч баевікоў мясцовыя жыхары складаюць толькі 15-20%, астатнія - найміты, «і не толькі з Расеі».
Сярод баевікоў і іх верхаводаў распаўсюджваюцца чуткі аб здрадзе расейскіх куратараў канфлікту на Данбасе.
У Пятроўскім раёне Данецка разгарэўся канфлікт паміж «батальёнам» «Апора» і бандфармаваннямі мясцовых баевікоў, якія не падпарадкоўваюцца тэрарыстам з «ДНР». Фіксуюцца асобныя ўзброеныя сутыкненні.