Месі прызнаны лепшым спартсменам года
- 22.12.2014, 18:03
- 3,279
Нападнік «Барселоны» і зборнай Аргенціны Ліянэль Месі прызнаны лепшым спартсменам краін Лацінскай Амерыкі і Карыбскага басейна.
Другое месца ў рэйтынгу кубінскага агенцтва Prensa Latina заняў паўабаронца «Рэала» і зборнай Калумбіі Хамес Радрыгес.
Зборная Аргенціны ў футболе была прызнаная лепшай сярод каманд. На чэмпіянаце свету - 2014 у Бразіліі аргенцінцы дайшлі да фіналу, дзе саступілі немцам (0: 1), піша «Газета.Ru».
Рэйтынг быў складзены паводле вынікаў апытання прадстаўнікоў 137 СМІ з краін Азіі, Афрыкі, Еўропы, Паўночнай Амерыкі, Лацінскай Амерыкі і Карыбскага басейна.
Фота: Reuters