Бунт у Сімферопалі: жыхары хочуць пакінуць горад
31- 27.12.2014, 19:41
- 107,861
На чыгуначным вакзале ў сталіцы акупаванага Расеяй Крыму пратэстуюць пасажыры.
Пра гэта на сваёй старонцы ў сацыяльнай сетцы «Фэйсбук» піша журналіст украінскага тэлеканала «Інтер» Раман Бочкала.
«У Сімферопалі на вакзале - бунт, - паведамляе ён. - Патэлефанаваў сведка. Вялізны натоўп нагадвае раз'юшаны пчаліны вулей. Людзі хочуць пакінуць крымнаш і не могуць. Чыгуначнікаў сагналі на цэнтральны вакзал крымскай сталіцы з усяго паўвострава для забеспячэння грамадскага парадку».
Нагадаем, праезд з тэрыторыі паўвострава ў мацерыковую Украіну на цягніку і аўтобусе спынены праз пагрозу пранікнення дыверсантаў. Сярод скасаваных - цягнік Менск-Сімферопаль.