Новыя цэны на цыгарэты

У Беларусі 1 лютага максімальны раздробны кошт на асобныя маркі цыгарэт павышаюць на 3,4-21%.

Інфармацыя аб новых цэнах размешчана на сайце Міністэрства падаткаў і збораў Беларусі, паведамляе БелаПАН. 



Так, цыгарэты марак Cooper падаражэюць на 21% (да 7,2 тыс рублёў), Velvet - на 20% (да 10,2 тыс рублёў). Цэны на цыгарэты Lucky Strike Click&Roll павышаныя на 3,4% (да 15 тыс рублёў), на цыгарэты Dunhill (чатыры разнавіднасці) і цыгарэты Aroma Rich (дзве разнавіднасці) - на 5,56% (да 19 тыс рублёў).

Гэта будзе ўжо другое падаражанне цыгарэт у новым годзе. 1 студзеня максімальны раздробны кошт на большасць марак цыгарэт быў павышаныя на 1-26,2% у залежнасці ад маркі.