Украінцы - заўзятарам БАТЭ: Браты беларусы, мы з вамі (Відэа)

Жытомірскія фанаты падзякавалі беларускіх калег за іх салідарнасць з Еўрамайданам.

Яны правялі акцыю ў падтрымку беларускіх заўзятараў, якіх пераследуюць улады, 9 лютага. Яна прайшла ў Жытоміры, паведамляе belultras.by.

Фанаты разгарнулі плакат з надпісам «Браты беларусы, мы з вамі».

Нагадаем, 26 студзеня фанаты БАТЭ з Барысава зняліся з плакатамі «Украіна, мы з табой» і «Героям слава». У руках яны таксама трымалі бел-чырвона-белы сцяг. Так яны выказалі салідарнасць з украінскім Майданам. Цяпер міліцыя шукае ўдзельнікаў акцыі.