Барыс Жэліба: Макей не выратуе беларускую эканоміку

Міністэрства замежных спраў не можа вырашыць ключавыя праблемы эканомікі краіны.

Такое меркаванне выказаў доктар эканамічных навук, прафесар Барыс Жэліба, каментуючы сайту charter97.org крытыку Макея на адрас МЗС з-за дрэннай працы па разгрузцы неліквіда.

«Міністэрства замежных спраў не можа вырашыць ключавыя праблемы эканомікі, і гэта не галоўная задача яго дзейнасці. Таму што першачарговыя задачы МЗС - гэта палітычная і дыпламатычная дзейнасць, юрыдычныя пытанні, вырашэнне пытанняў суайчыннікаў, якія апынуліся за мяжой, і гэтак далей. А ўжо на другім ці нават трэцім плане - эканамічныя задачы. І як міністэрства яно можа спрыяць вырашэнню эканамічных задач, але браць на сябе першую скрыпку - няправільна», - лічыць эканаміст.

Эксперт адзначыў, што ў нас у краіне першай скрыпкай Лукашэнка робіць эканамічныя пытанні.

«У нашых амбасадах кажуць, што ім шлюць з Беларусі лісты, дзе напісана: запасы на складах, напрыклад, прадукцыі лёгкай прамысловасці або тэлевізараў прадай або зрабі ў гэтай краіне ўсё, каб іх прадаць. Але што можа зрабіць амбасадар? Так, ён можа паездзіць, прапанаваць і гэтак далей. А калі гэта развітая краіна, так наша прадукцыя не падыходзіць ні па якасці, ні па іншых параметрах. Калі гэта краіна, як мы кажам, трэцяга свету, то амбасадар можа знайсці нейкага бізнесмена, які праявіць там цікавасць. Але ў гэтых краін няма грошай і ў іх няма заможных бізнесменаў. Таму я думаю, што гэта перабор - класці на плечы МЗС такія задачы, і робіцца гэта ад безвыходнасці», - перакананы Барыс Жэліба.

Нагадаем, учора міністр замежных спраў Уладзімір Макей выступіў з дакладам, у якім дадзеная крытычная ацэнка дасягнутых вынікаў работы Міністэрства і замежных устаноў, прааналізаваныя ключавыя праблемныя пытанні з асаблівым акцэнтам на знешнеэканамічны блок і акрэсленыя шляхі іх рашэння ў мэтах выканання задач, якія стаяць перад сістэмай МЗС у 2014 годзе.

Фота: «Радыё Свабода»