Журналіст «5 канала»: Лідар украінскіх камуністаў Сіманенка - у Менску
27- 17.03.2014, 7:46
- 48,529
Кіраўнік КПУ, які ўцёк з Украіны, хаваецца ў сталіцы Беларусі.
Пра гэта піша журналіст «5 канала» Андрэй Кавалёў.
«Сіманенка ў Менску. Заўтра раніцай чартарам пералятае ў Маскву», піша ён, спасылаючыся на ўласныя крыніцы ў Камуністычнай партыі Украіны.
@euroukraine @ukrpravda_news Симоненко у Мінську. Завтра вранці чартером перелітає у Москву. Коли Ви його востаннє в Раді бачили?
— Андрій Ковальов (@Andriy_Kovalov) 16 Март 2014
Нагадаем, пасля змены ўлады ва Украіне, краіну пакінулі разам са зрынутым прэзідэнтам Віктарам Януковічам каля 40 яго каманды, якія зараз знаходзяцца ў вышуку. Сярод іх - міністры, дэпутаты і алігархі. СМІ паведамлялі, што ў Менск беглі міністр унутраных спраў Віталь Захарчанка, якога апазіцыя вінаваціла ў забойствах актывістаў Еўрамайдана, і набліжаны да сям'і Януковіча бізнесмен Сяргей Курчанка. Паводле неафіцыйных дадзеных, беларускі КДБ запатрабаваў ад абодвух неадкладна пакінуць краіну.