Руслана: Пуцін як палітык памёр для цывілізаванага свету
9- 17.03.2014, 10:08
- 21,056
Украінская спявачка распавяла пра салідарнасць з яе краінай.
Пра гэта Руслана Лыжычка напісала ў сваім блогу на сайце «Украинская правда».
«Сіла нашага голаса сёння занадта вялікая, каб маўчаць, - піша яна. - Падчас прамога эфіру на фінале нацыянальнага бельгійскага адбору на «Еўрабачанне» я звярнулася да ўсяго свету, да ўсіх палітыкаў і зорак! Я заклікала ўсіх выдатных людзей зрабіць свае публічныя заявы, я заклікала палітыкаў дзейнічаць, каб захаваць чалавечыя жыцці пакуль яшчэ не занадта позна.
Уся Бельгія зараз размаўляе пра Украіну. У знак салідарнасці на найбуйнейшай радыёстанцыі гучыць «Эйфарыя». Простыя бельгійцы падчас майго выступлення паднялі сцягі Украіны. Тут ніхто не прызнае «шабашу Пуціна».
Спявачка і грамадская актывістка падкрэсліла, што «Пуцін, як палітык, сёння памёр для ўсяго цывілізаванага свету».