Расею выключылі з «Вялікай васьмёркі»
94- 18.03.2014, 12:54
- 85,385
Краіны G8 прыпыняюць удзел Расеі ў арганізацыі.
Міністр замежных спраў Францыі Ларан Фабіус у аўторак паведаміў аб рашэнні «групы васьмі» прыпыніць удзел Расеі ў гэтай арганізацыі.
«Тое, што тычыцца G8, - так бы мовіць, палітычнай формы дыялогу буйных дзяржаў у цэлым, мы прынялі рашэнне прыпыніць удзел Расеі», - сказаў Фабіус у эфіры французскай радыёстанцыі «Эроп-1», піша «Інтэрфакс».
Пры гэтым ён дадаў, што «сёння вечарам усе сем буйных дзяржаў збяруцца разам, але без Расеі». Ён не ўдакладніў дэталяў і месца правядзення гэтай сустрэчы.
У той жа час, па словах міністра, «на дадзены момант запрашэнне прэзідэнту Расеі наведаць Францыю 6 чэрвеня застаецца ў сіле». 6 чэрвеня ў Францыі будзе адзначацца 70-я гадавіна высадкі саюзніцкіх сіл у Нармандыі.