Расея ўвяла пашпартны кантроль на мяжы з Беларуссю

Узброеныя памежнікі правяраюць дакументы і праводзяць ператрусы ў машынах.

Расея ажыццяўляе пашпартны кантроль на беларуска-расейскай мяжы. Расейскія памежнікі са зброяй спыняюць і даглядаюць аўтамабілі, правяраюць дакументы і грузы.

Адзін з памежнікаў распавёў карэспандэнту «Нашай Нiвы», што іх задача - выяўленне і праверка ўкраінцаў, якія едуць у Расею транзітам праз Беларусь.

У звычайнай сітуацыі на мяжы Беларусі і Расеі няма памежнага і мытнага кантролю.

Памежнікі арыентуюцца на машыны з украінскімі нумарамі, аўтамабілі з беларускімі нумарамі асабліва не «трасуць», адзначае выданне.

Фота: РІА «Новости»